Vacina para a PAZ

Ista é a nosa vacina para a Paz.  Canta connosco !

Mira o resultado da Vacina para Paz no seguinte vídeo:

Animación á lectura

 Hoxe temos un agasallo moi especial que queremos compartir con toda a comunidade educativa: Nuria e Martina contan a  historia dunha araña con moito  medo....

ENGLISH BOOKS

 Ola, xa estamos aquí de novo para compartir novas e un conto en inglés. Mia e Paola foron hoxe as encargadas da tarefa.

Nesta última semana de cole queriamos darvos dende a biblio as grazas a todas as familias polo traballo realizado dende os fogares en coordinación cos mestres do cole. As nenas e os nenos moven o mundo, son creadores de novos mundos, son futuro de novas esperanzas e neles temos que confiar. 

Agora mesmo tócanos a nós suxeitalos e ensinarlle as estratexias que precisan para que nun futuro poidan eles levar o peso sobre os seus ombreiros. É tamén agora que nos toca a nós coidar deste mundo do que falabamos para que o día de mañá eles teñan un mundo que coidar e onde vivir con calidade e esperanza, sendo conscientes e responsables, sabendo que está  nas súas mans o coidado e herdanza para os seus fillos e os fillos dos seus fillos.

Con moito cariño, Sorpresiña e o equipo de bibllioteca do cole vos deixan por agora un novo conto contado para as familias. GRACIAS!

No próximo curso máis! 

Gozade, lede e vivide.

Ola, ola!!! 

Teño uns plans para este verán... Sabedes que??? Vou comezar a facer algunhas modificacións máis na biblio de cara as vacacións, que pronto chegan e quero ter preparada a lista de libros de lectura. Vós xa a tedes feita?? Eu é unha cousa que fago cada ano ao rematar  o curso unha vez que quedo soíña polo cole. É unha das miñas rutinas favoritas e momentos dos que máis gozo: ler e cruzar os títulos dos libros da miña lista, un por un, viaxando así a lugares moi diferentes ao longo das vacacións. 

Cada libro unha viaxe!!!!

Hoxe déixovos "Un agasallo diferente". Si, é un agasallo para vós e mais o título dun conto, contado por Bea Campos, escrito por Marta Azcona e ilustrado por Rosa Osuna.

Contacontos en inglés!

Ola, ola!!!

Vaia sorpresa que vos traio hoxe!! Vaia se vos vai gustar, iso si que o sei eu!!! 

Eu quedei súper contenta cando recibín este conto contado nada máis e nada menos que por...

Mellor premede na imaxe e escoitade, escoitade!! Ides saber quen é deseguido! 

SORPRESA!

Espero nos comentarios que me digades quen nos contou o conto de hoxe e máis o seu título! E sobre todo, que me digades canto vos gustou!! Deixádelle á profe que nos contou o conto algunha mensaxe e lla farei chegar de lindo gusto! Que ganas de vela e que nos siga contando contos así de ben e ensinándonos tantas cousas en inglés!

CONTOS PARA BAILAR E CANTAR

Ola, ola!

Sabedes xa o que vos boto de menos aquí senlleira pola biblioteca.... Espero que vós tamén me botedes un pouquiño de menos a min e a todos os meus libros!

Sabedes que? Gracias á radio que teño vou pasando os días bailando, cantando.... non me da vergoña porque ninguén me escoita! E hoxe estaba eu encendendo a radio e pensei en compartir con vós algunha canción. Son contos cantados, e como soamente ides escoitar a letra, queda na vosa imaxinación pensar en como son as personaxes: altas, baixas, loiras, morenas, cos ollos grandes e negros, con enormes diademas na cabeza, cun unicorno de mascota ou talvez dous gatos....

A que tiven boa idea?? E vouvos deixar algún enlace para que vós na vosa casa e eu na miña (a biblio) bailemos, cantemos e soñemos con aquilo que máis nos gusta!

A canción das cores

Evaristo, o can

A canción das vogais

Coas miñas mans

SEMANA DAS LETRAS

A esta biblioteca fáltalle algo, e non será por libros!!!

Pensando, pensando din coa resposta:

fáltanlle os ollos voraces de lectura dos alumnos e as alumnas; as mans indecisas que non saben que libro coller porque hai dous que lle chiflan e un terceiro que lle gustaría ler; fáltanlle os beizos bisbando e pedindo falar máis baixiño porque estamos nunha biblio pero tamén lle faltan as risas alborotadas que enchen de súpeto o espazo ao escoitar un contacontos.

Así que decidín que se os nenos e as nenas non poden vir visitarme 

pois terei que ir eu ata eles!!!

Nesta semana das Letras achégovos "As pitas baixo a choiva". É un relato breve de Ricardo Carvalho Caleiro que narra un feito anecdótico da infancia do autor. Descobre o neno desde a fiestra da casa que as pitas estanse a mollar e el téntaas facer entrar ao galiñeiro; elas asústanse e, ao final....

Pero que fago??? Se case vos conto o final!!! Mellor vos deixo un enlace a unha adaptación do relato realizada polo CEE Vilagarcía de Arousa 😉

Moitas gracias por compartir esta marabilla compañeiras!

AQUILES O PUNTIÑO (para ver e escoitar)

Que vos parece se pasamos un bo rato con Olalla González autora deste conto 

e mais o seu ilustrador Marc Taeger?

http://kalandraka.tv/gl/seccion2.php?id=33&pagina=10#PD_Olalla%20Gonzlez%20y%20Marc%20Taeger%20-%20Aquiles%20el%20puntito

MAESTRO... Y AHORA QUÉ HAGO?

Deixámosvos a continuación unha divertida historia, chea de humor e creatividade a cal establece ideas fantásticas para pasar o tempo na casa, para perfeccionar nova "habilidades" e botar unhas risas en familia. 

¡DISFRUTÁDEA VALENTES!

Clickade no seguinte enlace para descargar o conto :) 
http://www.triquetaverde.com/wp-content/uploads/2020/04/Maestro.pdf

CONTOS EN FAMILIA

Ola, como estades? Hoxe temos unha nova adaptación dunha historia que lles  encanta aos máis pequenos, “ Os tres porquiños”. Simón e Lina  de 3 anos, xunto coa súa nai fixeron o decorado e as persoaxes desta historia. Enviaron tamén as fotos do proceso que podedes ver neste vídeo:

E este foi o resultado. Parabéns polo gran traballo, esperamos que vos animedes a enviarnos máis  historias.

CONTOS EN FAMILIA

Hoxe, compartimos con vós unha adaptación especial do clásico "Carapuchiña Vermella"; unha adaptación que non dubidamos que vos fará rir, un humor tan esencial nestes tempos que nos acompañan.

Temos como narrador principal ao pai de Xandre (4º de Educación Infantil) e Sara (3º Educación Primaria). Cada un aportou o seu graniño de area para a recreación desta historia orixinal e divertida. ¡MOITAS GRAZAS, FAMILIA!

Contos en familia

Olá famílias! Ivån de 1º comparte con tod@s o seu libro “ Tu Alíen”  Parabéns! Esperamos que disfrutedes coa  lectura e que vos animedes  a enviarnos as vosas. 

Contos en familia

Ola a tod@s! Estamos encantados cos vídeos que estades a mandar! Hoxe Dafne de 3 anos comparte con todos vós  a súa versión do conto de “ Brancaneves” .  Os nosos parabéns a Dafne que nos enviou algún máis que compartiremos nos vindeiros días!

Contos en familia

Ola a tod@s! Xa temos un novo libro  para compartir con todos vós! Sara de primeiro le “ O delfín” . Grazas a Sara e a Betty por compartir as súas lecturas. Encántanos o vídeo! Parabéns! Esperamos novas achegas, animádevos!

CONTOS EN FAMILIA: "O LAPIS MÁXICO DE MALALA"

Queremos dar as grazas dunha forma moi especial a Sara, alumna de 3º de Educación Primaria, e a súa nai, Ana, por deleitarnos con este conto: "O lapis máxico de Malala"; un conto cheo de maxia e esperanza que tanta falta fai nestes tempos.

Compartimos a vosa mensaxe: #nostaménquedamosnacasa

Contemplade con atención 💖

ROSA CONTRA EL VIRUS

Expoñémovosmos a propostas do colexio oficial de Psicoloxía de Madrid no referente ao tratamento e afrontamento ao Coronavirus e outros virus. Trátase dun conto sinxelo á par que explícito, do que adultos e menores podemos aprender.
Ademáis, ao final do mesmo aparecen unhas serie de recomenacións e actividades para quen o desexe.
O podedes descargar en PDF e que forme parte da vosa "biblioteca" :)
https://www.copmadrid.org/web/img_db/publicaciones/rosa-contra-el-virus-cuento-para-explicar-a-los-ninos-y-ninas-el-coronavirus-y-otros-posibles-virus-5e6b7f9370fb1.pdf

MAMÁ, DE QUE COLOR SON LOS BESOS?

Nestes momentos, nos que tanto extrañamos os agarimos e bicos da xente a que queremos e que nos quere (amigos, familia, veciños, mestr@s...) propomos a escoita desde fermoso conto "mamá, de que color son los besos".
Invitámosmos a que vos paredes a pensar de que cor serán cada un dos bicos e apertas que daredes cando vos volvades a xuntar cos vosos achegados. 💕

Qué vos parece ademáis encher o arco da vella que aquí podedes descargar de corazóns ou bicos de cores e pegalos nas vosas fiestras?
https://i2.wp.com/www.imageneseducativas.com/wp-content/uploads/2020/03/TODO-IR%C3%81-BIEN-YO-ME-QUEDO-EN-CASA-26.jpg?ssl=1

#euquedonacasa

NUN MOMENTO NO QUE AS EMOCIÓNS ESTÁN A FLOR DE PEL...¡O MONSTRO DE CORES NOS AXUDARÁ A ACLARARNOS! :)

Consideramos unha boa idea propor unha serie de lecturas e escoitas para pasar un bo rato, en FAMILIA, das que obter aprendizaxes.

Qué mellor maneira que empezar co MONSTRO DE  CORES, de Anna Llenas! Un conto para todas as idades!

Aquí vos deixamos o video. ¡DISFRUTADE! :)

 

Plantexamos unha actividade a maiores: qué vos parece se debuxamos o que esta situación está a remover en vós? Imaxinade que sodes o monstro, escollede a cor de que colorearvos segundo vos sintades. Incluso podedes facelo de moitas cores se ¡estades feitos un lío! Segundo a vosa idade podedes dar unha explicación por escrito as vosas emocións.

¡Ti escolles! ¡Coñécete a ti mesmo!

Link onde descargar a plantilla do monstro de cores:

 https://laclaseencantada.files.wordpress.com/2018/09/plantilla-monstruo-sin-cara.pdf

BOOKS!

Ola a todos, aquí tedes un novo libro que podedes coller na biblioteca! Este, ten a traducción en galego. Temos toda a colección de libros bilingües galego-inglés. Achégate a biblio e poderás escoller o que máis te guste! You can borrow this book from our library!